اريد تفسير الاحلام

الرد من العميل

حلمت اني سافرت الكويت وفي المطار دخلت مسجد صليت في.. طلعت بصيت ع الجزم والشباشب ملقتش الشبشب اللي كنت لابسه رحت عشان اشتري حاجة ألبسها وكان معايا شاب كان برضو اتسرق الجزمة بتاعته رحت لمحل كده في المطار لقيت بنت جميله بيضه وخدودها حمرا ووشها مدور ومحجبه ولابسه عبايا سوده وبنطلون وحاطه روچ كانت عجباني اوي وكانت بتعمل حركات على طبيعتها كأنها في بيتها لدرجه اني شوفت رجلها وحتت من جسمها وكنت بهزر واضحك معاها وامسك خدودها وامها كانت قاعده ع الأرض وبتبص ومبتسمة كنا مستعجلين اوي ومتأخرين بس البنت كانت حلوة فكنا صابرين ومستنين عادي جه واحد جاب علبتين كبار كان شكلهم حلو بفتحهم لقيت جزمه سوده في لون تاني كده مش فاكر بالظبط بس كانت شيك اوييييي ومن النوع الغالي واللي بحب البسه وكان سعرها ٣١ دينار قولت انا عايز شبشب مش عايز جزمة الولد اللي معايا برضو ملقاش اللي كان عايزه بس عجبتنا الكوتشيات فاقتنعنا أننا نخدهم ده غير أننا كنا متأخرين المهم خدتها وهو خد جزمه تانية شبها بس بتاعتي كانت احسن وقبل ما امشي قولت للبنت انا عايز اتجوزك وعايزك تكوني مراتي لقيتها اتكسفت بس حسيت انها معجبه بالولد اللي كان معايا اكتر وانا فضلت اقول لنفسي هى اكيد عجبته هو ،هو شكله حلو وبشعر وانا لا ، المهم مشينا وسألته ع الساعة قالي الساعة ٣ الضهر وفضلت ماشي انا وهو في شوارع الكويت واكلمه واحكيله قد ايه الكويت جميلة وهادية بس أهلها عنصريين وكده المهم هو مشي وانا كمان مشيت فاخويا احمد جه ووصلني البيت اللي في الكويت دخلت لقيت ابويا دخل علينا وبيسلم عليا وفرحان ،راح المطبخ واحنا وراه انا وأحمد كان لابس تيشرت ازرق وكان خاسس وبسأله على شغله قالي أنه شغال في الصحه هو وامي وتقريبا كان شغال عامل ، انا اتفأجت بأهلي هناك ،،فلقيته بيفتحلي باب الفرن اللي في المطبخ وبيدني في ايدي خبز هو اللي عمله وبيفتحولي.بايده ببص لقيته مبطن وجميل اوي ومنفوخ وسخن ومحمص من فوق ومن جوه طري عمري ما دقته قبل كده فسألتهم عن اختي سمر قالتلي انها شغاله شغل كويس جدااا ومبسوطه في شغلها ف طلعت البلكونه اتفرج ع الشارع اول ما بمسك سور البلكونه اللي كان من ازاز ومربوط بمسمارين من الجنب لقيته اتفك وكنت هقع رحت ساند نفسي بسرعه وعادل توازني فبصيت تحت لقيت نفسي كنت هموت لأن المسافة من فوق لتحت تموت فلقيت موبايل جنب مني شغل آيه ربنا بيقول فيها( لا تدري نفس بأي ارض تموت) رحت معيط وقولت سبحان الله رحت لاوضه تانية ببص لقيت امي ماسكه المساحه وبتمسح البلاط بالصابون والميه وكانت لابسه خمار شرعي كامل هى اصلا مختمره في الحقيقة ببص على رجلها والصابون مغرق رجلها لقيتها سوده هى امي اصلا جسمها ابيضاني وكان ابويا واخد لون اسود شوية عن اللون بتاعه وده لان الكويت شمسها جامده في الصيف المهم فأول ما دورت وشها ليا حضنتها اوي وفضلت اعيط في حضنها وقولتلها اسوديتي اوي عرفت انهم تعبانين في الشغل بس كانوا بيشتغله وعندهم طاقة عشان لقمه العيش ويقدره أنهم يعيشه محدش فيهم قاعد وفضلت أعيط لاني كنت فرحان بيهم واني شوفتهم ورحت قايم من النوم