انا طالبه في تالته جامعه وحاليا انا محققتش اي حاجه...

انا طالبه في تالته جامعه وحاليا انا محققتش اي حاجه كنت بحلم بيها وتايه ومش ناجحه في حاجه ومعنديش هدف في الحياه وياسه من نفسي وكل ما احاول اعمل اي حاجمه مختلفه عقلي بيرجعني في ثانيه وبيقولي مش هتكمل وانا علي الوضع ده بقالي سنتين من ساعه ما خلصت ثانويه عامه انا كنت مخططه لنفسي حياة تانيه خالص ومجال معين كنت بحلم بي طول حياتي مجال كنت مستعده اقضي حياتي كله ادرسه كنت مهيئه نفسي انا دخله علي ايه وانا طول عمري شاطره وبطلع من الاوائل مكنتش متوقعه تبقي دي لحظه نتيجة الثانويه العامه انا كنت منتظره اسمي من الاوئل ولحظه وكل ده اتهد علي دماغي ومن اللحظه دي وانا مش مستوعبه حياتي ولا عايشه اصلا عايشه بجسد من غير روح بس بتعامل وبضحك وبتكلم مع الناس ومع اهلي بس انا حقيقي مش عايشه ومش عارفه اعيش ويوم نتيجه الثانويه كل سنة بيبقي كابوس بنسبالي حافظه اليوم بتفاصيله محفوره في عقلي مش قادره انسها المهم انا دلوقتي تايه ولا عارفه اعمل حاجه في حياتي ولا عارفه معملش وانا اصلا معنديش حاجه بحبها او ليا شغف ليها غير المجال الي كان نفسي ادخله وده للاسف مش هويه هتعلمها ده علم متخصص وحرفيا انا بقالي سنتين بتمني الموت من ربنا والله انا مش معترضه علي قضاءه بس بجد مش قادره اعيش مش قادره احلم تاني لا ميتحققش خايفه اتعشم خايفه احط املي في حاجه تاني انا متعفتش من الاول رغم اني بجيب تقدير كل سنه في الكليه الي دخلتها وامي بضغط عليا عشان ابقي معيده عشان بنت خالتي وبنت عمتي ابقي احسن منهم كلهم وعشان احققلها املها فيا انا بقعد اقولها اجلمي الطموح حلو واكسر الاحلام دي بس بتاثر بيها برضو اكيد كلام اهلنا طول عمره بياثر فينا انا ليا صحابي الاتنين دخلو طب وبابا وماما كل ما يشوفهم يقوللهم عاملين ايه يا دكاتره وحشتونا يا دكاتره انا الكلمه دي بتقطعني من جوا رغم اني بضحك ساعتها ضحكة كده ببقي بموت مش عشان غيرانا لا الحمد لله عمري ما بصيت لحاجه في ايد غيري بس بحس بالحسره جوايا ملهاش مثيل انا لما بشوف حد ناجح ببقي نفسي ابقي ناجحه بس معرفش في ايه معرفش انا عايزه ايه انا كل الي عارفه اني كل الي انا عايزه راح انا بجد بقيت مهزوزه اوي من جوايا وديما حاسه اني مش هحقق حاجه وحاولت اني اخد كورس انجليزي ومكملتش وحاولت اشتغل ومكملتش مكملتش لان جوايا حرب وجوايا حد بيقولي مش هتكمل وعشان ديما مستنيه نتيجه سريعه عشان اثبت لنفسي اني ناجحه وخلاص بس للاسف ده مش بيحصل غير كلام امي ديما بترمي في نص الكلام وهي بجاهله فاكره انها كده بتشجعني من انتي فالحه في حاجه انتي فاشله انتي مش هتعرفي تعملي كذا اكتر كلمه بتعصبني انتي مش هتعرفي تعملي كذا بتحكم حكم مسبق اني مش هعرف وخلاص عمتا هما طول عمرهم سلبين مني حته انهم يشجعوني ديما شايفين اني غابيه مخي تخين رغم ان انا بفهم حلو اوي ولمحه وده بشاهده اي حد يعرفني ومدرسيني في المدرسة طول عمري وانا واثقه في نفسي بزياده كمان انا زرعت ده بنفسي جوايا

مساعدة الخبير: هل راجعت دكتور نفسي من قبل؟ أو حاولت أي شئ آخر؟

لا

مساعدة الخبير: هل لديك أي معلومة أخرى تريد أن تطلع الدكتور النفسي عليها قبل أن أقوم بإيصالك به؟

لا