السلام عليكم، ابغي تفسير للحلم. التفاصيل؛ بنت...

السلام عليكم، ابغي تفسير للحلم. التفاصيل؛ بنت عزباء عمري 24 سنه. حلمت بانه كان في اجتماع كبير و انعقد هذا الاجتماع في الشركه السابقه الي توظفت فيها، و لكن كان مكان الاجتماع خارج الشركة “ في فله كبيره بيضاء”. الي كانو حاضرين الاجتماع بعض من زملاء العمل السابقين و ناس ما سبق اني شفتهم قبل، شفت اول صف قاعدين فيه رجال من الشرطه و الجيش و عندهم رتب عاليه، و اذكر من تفاصيل الحلم اني دخلت الاجتماع و انا فرحانه و كنت مرتبه و شكلي مقبول. و الاجتماع كان فيه مناقشات كثيره و المسؤولين قالو انه اليوم بيكون فيه مرشح للوظيفه في شركه ثانيه و مرموقه و اخر شي الي توفق في الاختيار كان شرطي سابق و عنده رتبه و شفت الورقه في الحلم عليها تفاصيل الشرطي الي تم اختياره. بعدين خلص الاجتماع و طلعت انا برا المكان و شفت سياره بيضه مرتبه ركبتها و كنت قاعده في الكرسي الامامي الي هو بجانب السايق، بعد شوي اشوف ضابط من الشرطه يا لين السياره و دق الباب استأذن عشان يركب و سلم علي و انا كنت حامله ورقه المرشح” كان مكتوب اسمه الثلاثي و شفت صورته” بعدين الضابط كان يسولف معاي و قلتله هذا الشخص توفق في الاختيار شو السبب ابتسم و قال هذا الشخص متوفي و كان يحمل رتبه عاليه في الشرطة و لكن بسبب سمعته الطيبه ربي اراد ان يكرمه. بعدين اشوف فجأه وصلت للسعوديه و تحديداً عند جبل و كان الجبل مقسم كانه فيه درج للصعود و كله اخضر مغطى بالحشيش و كان شكله جميل و الجو معتدل، شفت الشخص الي كان مرشح الوظيفه موجود رد للحياه مره ثانيه و كان يشع من البياض و جميل و لابس لبس الاحرام و عمره ما يتجاوز الثلاثين و انا لابسه عبايه و شيله سوده و متحجبه. الموقف الي صار انه الضابط الي وصلني للمكان قالي انه هو اختارك من بين الي في الاجتماع كلهم عشان انتي تأدين معاه مناسك الحج و هو عاجز عن المشي ف يحتاج حد يراعيه و يمشيه ب الكرسي حق كبار السن، و انا قلتله الله يقدرني على فعل الخير و انا حتى مستعده اني انوي عنه الحج، بعدين الرجل هذا الي مرشح الوظيفه قالي جزاج الله خير و انا اخترتك تكونين معاي لاني شفت انه عندك سمعة طيبه بين الناس و قلت انتي من تستحقين تكونين معاي و تساعديني عشان تاخذين معاي الاجر. بعدين شفت انه انا كنت اساعده امشي الكرسي على الجبل الى ان صعدنا فوق الجبل و لكن ما كنت احس بالتعب و على ما اعتقد انه كان جبل عرفات و لما كنت احمله ب الكرسي كان جدا خفيف و كنا سعيدين. و هذي نهاية الحلم و اتمنى التفسير و شكرا