حلمت في مايد كان طفل يمكن عمره ما بين سنتين إلى...

حلمت في مايد كان طفل يمكن عمره ما بين سنتين إلى ثلاث يا في حضني وقال ماما أنا الحين ألعوزج ؟ قلت له لا ماما .. و رقد رقاد عميق في حضني و لحفته مع انه الأطفال اللي في العايله كلهم كانو يلعبون و ايون صوبنا كل شويه يجيكون عليه هو راقد ولا واعي واللي في الحلم كلهم اهلي يالسين يتعشون و متجاهلين وجوده إلا أنا حاضنتنه و دموعي تنزل مستانسه انه هو في حضني بس ادري انه مب حي بعده نش من الرقاد وكان مخيس عمره قمت شليته صوب المغسله وفصخته و جالبتنه ع بطنه ما شفت عورته من جدام و غسلته ونظفته و هو مستانس و كل شويه يصد عليه مبتسم مر ابوه صوبنا ما يتكلم بس يشوف أنا شو أسوي انا في الحلم كل ما أشوف حد كنت اخبره انه مايد يسألني ماما أنا العوزج الحينه ؟ والكل ساكت محد يرد عليه ! بعد ما سبحته لبسته كندورته كانت بيضه و يديده فيها طربوشة طويله قلت له روح البس الجوتي وكان نفس الجوتي اللي اول ما وصل كان لابسته وراح صوب امي عشان يسلم عليها وعقبها تميت اراقبه من بعيد اختفى ما شفته وصل صوب امي