مشكلتى مش عارف هى ايه بس بقلق بسرعه جدا وقلبى...

مشكلتى مش عارف هى ايه بس بقلق بسرعه جدا وقلبى بيدق بحس انه خارج من مكانه عندى عدم امان فوق الوصف وخصوصا لو كنت لوحدى فى اى مكان وبطمن بوجود حب بحبه والشخص ده بتعلق بيه علاقه طفل بامه وعملت ٣ علاقات منهم اول اتنين غلط وحرام وكنت بحس معاهم بامومه كبيره والاخيره ده تعمدت انى متكونش حرام وحرفيا انا متعلق بيها جدا جدا جدا وبحبها اكتر من امى شخصيا وعندها ٦٠ سنه وشايفها امى وهى كمان تملكتنى بالطريقه المشكله عندى فى التعلق بشكل مرضى بالناس اللى بحبهم والفلوس اللى بصرفها فى العلاقات دى وبحس انى بذل نفسى لما اجرى وراهم انا مهندس كهربا وبشتغل فى وزاره الكهربا ابويه عمره ما احترم امى وكان دايما يهينها قدامنا بشكل مش طبيعى وعامل فيها بيحبها وكان بيقارن نفسه بيها ووصلنا انها مش حنينه وعندى شخصيا اقتناع بده بص اى مشاعر ناحيه امى وابويه اتمحت معالمها وخصوصا امى مبقتش حابب اتكلم معاها وكل ما نتكلم نتخانق وهى مش فهمانى ولا بتعرف تتكلم معايا وكل حاجه ترميها ع والدى ع اساس انه العقل المدبر جوه البيت وانا كرهت ده انا حرفيا بقيت بمعرفش اركز فى اى حاحه لا شغل ولا خروج ولا اى حاجه بسبب التعلق بالشخص اللى بحبه وخصوصا لما احس انى زعلته او قصرت من ناحيته مع ان اخر علاقه دى انا بحاول اصلح فيها من نفسى بمعنى اشوف عيوبى ايه واصلحها وبحاول اسعد الطرف التانى اللى شايفها امى وبجيب هدايا غاليه اوى واهنن وادلع واطبطب واصالح كل شويه ولو حسيت بظلم من ناحيتها مشتكيش مبقدرش اشتكى انا اتهنت مع انى كمان بحبها لو حسستنى باى حنان هى بتدينى لكن بتنقطلى الحب مقارنه بالى ديه من كل حاجه انا نفسى اتكلم مع دكتور نفسى وابويه كل شويه يقولى معندكش حاجه وانت مش مجنون ملحوظه ابويه مسبش حاجه وحشه فى حقنا وحق والدتى الا وعملها مع انه حنين ومعرفش ازاى؟!!!! لكن بحس بحنانه عن امى انا سبت البيت والبلد وطفشت وبتمنى اعمل عيله انا حرفيا حابب احساس ان امى تبقى ضهرى وسندى وتحترمنى وتفهمنى واحس انها فاهمه الدنيا وعارفه تتعامل مع الناس وتفسحنى وتخرجنى وتقف ادام ابويه لما يغلط فيها وفينا ده محصلش لانها كانت بتخلينى انا وانا صغير اروح اصالحه عليها لغايه ما انا كرهت موضوع الاعتذار من اساسه ومعرفش انا مالى اصلا بالموضوع ارجوكم ده اهم ما فى المشكله تزامننا مع سنى حاليا ٢٩ سنه ومتحوزتش وقرايبى كلهم اتجوزوا وانا لسه وليا اسبابى بس انا اول مره ابعت مشكله ومحتاج اتكلم ومتكسفش ومخبيش انا ولد وحيد ع ٣ بنات