السلام عليكم حلمت باني في حوش ليه جنان ترابي وفيه...

السلام عليكم حلمت باني في حوش ليه جنان ترابي وفيه سياج معدني وفيه كلب ينبح بشراسة وبقوة ويتحرك هلبة يحاول يخشلي يبي يعضني ويبي يهاجمني بأي طريقة واني نشوف فيه ونحمد في ربي انه بعيد عليا وفجأة لقيته خش للجنان ويبي يهاجمني لكن اني سكرت الباب بسرعة بعدها لقيت بنات خالتي الكبيرة جايين عندي واني مستغربة جيتهم ويسلموا عليها وببتسموا واني مستغربة فيهم لكن هما مدايرين روحهم عادي في التعامل معاي بعدها لقيت روحي نفتح في باب لكن تحته هاوية عميقة وفيه راجل شكله مش حلو يراجي فيا نطيح لكن اني ما طحت وقعدت مستغربة في الحلم كيف ان رجليا شبه في الهواء والمساحة بسيطة الي تتحرك فيها رجليا وما طحت وقعدت نحمد في ربي ونسبح في الحلم لين سكرت الباب وفرحت بشدة لما سكرته لان الهاوية كانت عميقة جدا ومخيفة وفقت من الحلم