السلام عليكم ورحمة الله اتمنى من الله ثم منك النظر...

السلام عليكم ورحمة الله اتمنى من الله ثم منك النظر بموضوعي وإفادتي به فاني بضيق لا يعلم فيه الا الله لعل باجابتك تفرج همي ويجزاك الله خير جزاءامي *رحمه الله * تطلقت من ابويا من 10 سنوات وبعد طلاقها سكنت مع امها في شقة ملك لخالي بعد سنة توفيت جدتي رحمها الله وبقيت امي بشقة خالي ساكنه لحالها ،، وقبل 3 سنوات تطلقت انا وسكنت مع امي لأن ابويا مقاطعني من ايام طلاق امي ورفض جميع محاولات الصلح بيني وبينه وكل العائلة بعلم بذلك لصلة القرابة بين امي وابويا ابناء عم ،، في يوم 27 من شهر رمضان هذا السنه انتقلت امي الى رحمة الله بعد معاناه من مرض السرطان ،، وبيوم 6 شوال خرجت من البيت للمستشفى بسبب وقوع راس الدولاب ع راسي نتيجتها 5 غرز ولما خلصت ورجعت البيت لقيت خالي مغير كيلون الباب ولاني بوضع لا احسد عليه روحت لصديقتي وفضلت عندها اسبوع تعبانه وبعدها اتصلت على خالي وعلى زوجته مايردو عليا وانا كل اغراضي بالبيت ،، روحت اخدت عامل وجاء فتحلي الباب ورجعت للشقه ،، خالي مادري وماجاء البيت من بعد ماقفلها تجاهلني وتجاهل اني من ساكن هذا البيت ،، لين قبل امس جاء يبغى يفتح وعرف ان المفتاح اتغير اتصل عليا وبينتلو اسباب فعلتي وقلي انا ابغى شقتي اخرجي قلتلو طيب بس اعطيني يومين اشوف وين احط العفش لين احصل شقه تناسبني قلي مو شغلي خرجيه الشارع واذا حصلتي شقه تعالي خذيه قلتلو طيب اديني يومين رفض واصبح بيننا شد بالكلام واليوم اتصل ع ابويا الي لو 10 سنين مايدري عني شي يقولو بنتك كسرت قفل بابي ودخلت بروح اشتكيها بالشرطه احسن لك خدها عندك قلو ابويا بنتي مو صغيره تتحمل عواقب افعالها بس كيف انت تكسر الباب وتدخل البيت قبل ماهيا تعطيك الاذن كيف فجاءة تقفل ع اغراضها قلو هذا بيتي باسمي وبكيفي بنتك ماعندها عقد بشتكي لتعديها ع شقتي ،،!!؟ اعتذر ع الاطاله بس حاولت اوصلك ملابسات الموضوع حتى تفيدني ،، الكهرباء حق البيت باسم امي الله يرحمها اقدر اثبت ان امي كانت ساكنه لسنوات في دا البيت وخالي اتعدى حدودو وكسر قفل الباب وغيرو وانا لسا ماشلت عفشي ولا عفش امي الله يرحمها وماجحدتو ولا انكرت فضله عليا انا وامي بس كل الي كنت ابغاه شوية وقت احصل شقه وانقل اما حكاية اخلي عفشي في الشارع مستحيل .. دحين اش موقفي القانوني ؟؟

مساعدة المحامي: ما هي الدولة والمدينة التي تعيش فيها؟ يهم لأن القوانين تختلف حسب الدولة وأحيانا المدينة

السعوديه ،، جدة

مساعدة المحامي: هل تم تقديم أي شيء أو الإبلاغ عنه؟

لا

مساعدة المحامي: هل لديك أي معلومة أخرى تريد أن تطلع المحامي عليها قبل أن أقوم بإيصالك به؟

لا شكرا